Ur: euriaren liburua

Juan Kruz Igerabide - Elena Odriozola (Ilustr.)

978-84-15756-48-4

Entzutearen eta irakurtzearen jolasa:

FAMILIAN ETA IKASGELAN

Bakoitzaren adinaren eta irakurketa-abiaduraren arabe­ra, grabazioa entzutetik has daiteke; gero, testua aurrean dela berriro entzun, txikienek zatika edo poema errazenak aukera­tuz, gero zailagoetara pasatzeko. Pedagogo batzuen arabe­ra, testuak entzun ahala irakurtzea ariketarik onenetakoa da testuen ulermena hobetzeko. Baina, batez ere, iraku­rriz eta entzunez gozatzeko bidea da.

Interesgarria da, bestalde, ipuina eta poemak bakoitzak etxean grabatzea, banaka edo taldeka. Gurasoak ere gonbi­da daitezke horretara, edo irakasleak, lagunak… Kutxan poe­ma asko daude CDan grabatu gabeak, nork esango zain; beste modu batera antola daitezke, edo poemen beste ber­tsio batzuk idatzi, norberak dituen euri-esperientzien arabera.

Musikazaleek beren bertsioak asma ditzakete, koru txikiak osatu, musika-tresnez lagundu, edo errezitaldiak antolatu.

Irudien jolasa:

NIRE EURI-LIBURUA

Elena Odriozolak marraztu dituen euriak, arinenetatik hasi eta mardul eta zeharkakoetaraino, elkarrekin nahas daitezke, irakurle bakoitzak bere euriak osatuz, elkarren gainean ja­rriz, edo itzal-jokoen serie bakoitzeko pertsonaien gainean kokatuz, eszena bakoitza norberak aukeratutako euripean gerta dadin. Konbinazio-aukera ugari dago irudiekin jolasteko.

Material honekin guztiarekin zeure euri-liburua osa dezakezu; material osoa edo zati bat erabil dezakezu horretarako, testu berriak asmatu, zeure irudiak eta doinuak egokitu.