Erruletazalea

Mircea Cartarescu - Joxemari Sestorain (Itzul.)

978-84-96634-76-3

Erruletazalea kontakizuna galarazia egon zen diktadura garaian. Geroztik lau haizeetara hedatu da, bakarrik edo Oroimina izeneko jatorrizko bildumaren barrenean. Narrazioan, berehala adieraz­ten zaigu literatura teratologia dela. Batetik, narratzailea dugu, laurogei urte izanik biharrik ez duen agure bat; hurrena, Erruletazalea, jendartetik baztertua, inoiz deusetan zorterik izan gabe aldiro bizia jokatzen duena erruleta partidetan. Eta jendea ere badago, mota eta jatorri guztietakoa, morboz beterik Erruletazalearen agerpenen zain. Heriotzara baino ezin garamatzakeen zurrunbiloan, idazlea beste partida bat ari da jokatzen, partida literario bat, irakurlea itsatsia geldituko den partida bat, amaraun batean bezala.

«Ipuingile bezala, Kafka, Borges, Cortázar edo Kunderaren parekoa da Cartarescu. Handienetako bat.»
Andrei Codrescu